يتدرب لاعب كمال الأجسام المصري المصنف على المستوى الوطني علي الشرقاوي في المساء لكن بعدما يمضي صباحه في جمع القمامة لتوفير ما يحتاجه من مال لدعم مسيرته الرياضية.
ورغم حصول الشاب البالغ من العمر 29 عاما على جوائز تتضمن ميداليتين برونزيتين في بطولات وطنية، فإنه يعاني للحصول على التمويل أو الدعم الخارجي شأنه شأن كثير من الرياضيين المصريين الذين يمارسون رياضات فردية.
وبدلا من ذلك، يستخدم عربة يجرها حصان لجمع النفايات والمواد القابلة لإعادة التدوير بمحافظة الغربية في دلتا النيل ويكسب ما يصل إلى مئتي جنيه مصري (6.59 دولار) في اليوم.
وعبر الشرقاوي في حديث لرويترز عن أمله في أن تكون هناك خيارات أفضل.
وقال “أنا اتولدت لقيت نفسى شغال الشغلانة دى وأنا حابب انى أعمل حاجه حلوة في الرياضة وأنا مفيش قدامى دلوقتي شغلة غير دي اللي أنا شغالها لأن مفيش غيرها فأنا بشتغل وبصرف بيها على نفسي عشان أعمل حاجة حلوة ليا ولأهلي ولبلدي. فأنا مفيش إمكانية غير الشغلة دي، فأنا إن شاء الله برضه لو ربنا كرم موش هفضل طول عمرى شغال فيها فالواحد يتمنى حاجه أفضل يعنى، وإحنا ملقيناش حاجه أفضل من كده عشان أشتغلها”.
وأضاف أنه لا يجد دعما حكوميا لمسيرته المهنية في كمال الأجسام وأنه يتم توجيه معظم التمويل لرياضات جماعية شهيرة مثل كرة القدم.
وأردف “شغال بعربية كارو (عربة يجرها حصان)، فأنا كل اللي طالبه من الناس إن محدش يبص لينا بنظرة وحشة وكده، لأن الناس مفكرة إن إحنا عشان شغالين بعربية كارو بنلم بكيا (أشياء قديمة) وكده فبياخدوا عننا فكرة وحشة”.
ورغم محدودية نظام التدريب الخاص به، فإن الشرقاوي يستمد الإلهام من اللاعب ممدوح السبيعي المعروف بلقب بيج رامي وهو لاعب كمال أجسام مصري شهير فاز بلقب مستر أولمبيا لعامي 2020 و2021.
وتابع الشرقاوي قائلا لتلفزيون رويترز “أنا عايز أحقق بطولات لبلدي، عايز أبقى حاجه زي بيج رامى كده، بس إحنا محتاجين دعم لأن كل الدعم بيروح لكرة القدم إنما الألعاب الفردية مفيش دعم ليها، فإحنا محتاجين إن حد يدعمنا عشان نعرف نعمل لبلدنا حاجة أحسن من كده”.
وقال مصطفى التميمي مدرب الشرقاوي إن الشرقاوي بدأ يحقق نجاحا بعد فترة وجيزة من بدء التدريب.
وأوضح أنه يسعى للمشاركة في بطولة دولية واستدرك بالقول إن رياضة كمال الأجسام تتطلب دعما وتمويلا لتوفير التغذية.
وأضاف التميمي “علي مجتهد في شغله ما شاء الله، وفي نفس الوقت مجتهد في التمرين لأن هو عايز يحقق إنجاز لنفسه وعايز يحقق بطولة، فأول ما نزل ما شاء الله حقق أول غربية وتتالت البطولات وحقق ثلاث بطولات أول غربية وبطولة كاس مصر وبطولة الجمهورية وما شاء الله هو علي كمان بيسعى إنه يوصل لبطولة كاس عالم بس زي ما حضراتكم فاهمين كمال أجسام محتاجة دعم، محتاجة إمكانيات عشان تقدر تصرف على نفسك، تقدر التغذية بتاعتك تكون عالية شوية”.
